आयरल्याण्ड–नेपाल संसदीय मैत्री समूहको स्थापना

Post date: Jun 29, 2017 3:40:57 PM

June 27, 2017

आइरिस संसद तल्लो हाउस र माथिल्लो आइरिस संसद हाउस का माननीय सदस्यहरूले जुन 27, 2017 मा आयरल्याण्ड–नेपाल संसदीय मैत्री समूह गठन गर्नुभएको छ। उक्त मैत्री समूहको उद्घाटन समारोहआइरिस संसदका सभामुख माननीय श्री सिन फेयरहेल टीडी अध्यक्षतामा आइरिस संसद भवनमा सम्पन्न भएको हो।

आयरल्याण्ड–नेपाल संसदीय मैत्री समूहमा आइरिस माननीय सांसद सुश्री मैरिन ओसुलीभन, माननीय सीनेटर सुश्री इभाना बसिक, माननीय सांसद श्री शन बारेट , माननीय सांसद श्री शन क्राउ र माननीय सांसदश्री दर्रघ ओ'ब्रिएन सदस्य रहनु भएको छ।

सो अवसरमा बोल्दै माननीय सभामुख श्री सिन फेयरहेलले स्थापना भएको मैत्री समूहले नेपाल र आयरल्याण्डको संसदिय व्यवस्थामा गहिरो सम्बन्ध स्थापना गर्न सहयोग पुर्याउने विश्वास व्यक्त गर्नुभयो। योसमूह नेपाल र आयरल्याण्डबीचमा मित्रता स्थापित गर्नमा महत्वपूर्ण भुमिका खेल्ने उहाँको भनाइ थियो। उहाँले नेपालीहरु मायालु भएको पाएको र आफू पनि एकपटक नेपाल घुम्ने इच्छा पनि व्यक्त गर्नुभयो। दुइदेशबीचको अवतजावतलाइ बाक्लो पार्नुपर्ने र त्यसलेमात्र सम्बन्धमा घनिष्ठता ल्याउने उहाँको बिचार थियो।

आयरल्याण्ड–नेपाल संसदीय मैत्री समूहको भेलामा बोल्दै माननिय सुश्री मैरिनले आयरल्याण्ड र नेपाल बीच व्यापार सम्बन्ध बढाउन दुई देश बीच सहकार्यको क्षेत्रमा अन्वेषण, संसदीय सहयोग विस्तार रउच्चस्तरको भ्रमण गर्नुपर्ने विचार राख्नुभयो।

नेपाल दूतावासमा लण्डनका आयरल्याण्ड मिसन उपप्रमुख शरदराज आरणले नेपालको संविधान बहुदलिय लोकतन्त्र, बहुदलवाद, वालिग मताधिकारसहितको लोकतान्त्रिक मूल्यमान्यतासहितको संवैधानिकव्यवस्थाको ग्यरेन्टी गरेको उल्लेख गर्नुभयो। उहाँले नेपालले आठ महिना को अवधि भित्र, स्थानीय प्रान्तीय र संसदीय चुनाव सम्पन्न गरेर लोकतन्त्र संस्थागत गर्न प्रतिबद्ध रहेको बताउनुभयो। उहाँले पनिमित्रता समूह गठनले नेपाल–आयरल्याण्ड बीचको सम्बन्ध थप मजबुत बनाउन सहयोगी हुने विश्वास व्यक्त गर्नुभयो।

मित्रता समूह स्थापनाकोलागि समन्वय गरिरहनु भएका नेपाल–आयरल्याण्ड समाजका अध्यक्ष श्री दिपेश शाक्यले यो मैत्री समूहको गठनबाट आयरल्याण्डमा रहेका नेपाली समुदाय उत्साहित भएकोबताउनुभयो। यो समूहको औपचारिक उद्घाटन नेपाल आयरल्याण्ड समाजको अथक प्रयास र नेपाल प्रेमी आइरिसहरुको समर्थन र लण्डनको नेपाली दूतावासको सहयोगबाट सम्भव भएको बताउनुभयो। उहाँलेसहयोग गर्ने सबैप्रति अभार ब्यक्त गर्दै यो प्रयासबाट नेपालमा लगानी र पर्यटन बढाउनको लागि सहयोग पुग्ने शाक्यके विश्वास थियो।

आयरल्याण्ड–नेपाल संसदीय मैत्री समूहको ऐतिहासिक उद्घाटन कार्यक्रममा माननीय आइरिस सांसद ब्रेंडन स्मिथ (विदेशी समिति अध्यक्ष) र माननीय सांसद थोमस प्रिंगल सहभागी हुनुहुन्थ्यो। माननीय सीनेटर टेरी लेडेन (विदेशी र व्यापार विभाग एशिया प्रशान्त क्षेत्र को लागि क्षेत्रीय निर्देशक), सुश्री मेभ कोलिन्स (एसियाका लागि क्षेत्रीय निर्देशक), प्रोफेसर जुलियट हुस्से लगायतका उच्चपदस्थ अधिकारीहरुकोउपस्थिति रहेको थियो।

कार्यक्रममा नेपाल आयरल्याण्ड समाजका कार्यकारी समिति सदस्यहरु, गैरअवसिय नेपाली संघका सदस्यहरुको उपस्थिति रहेको थियो।