Embedded Files
नेपाल आयरल्याण्ड सोसाइटी (www.nepalireland.org) र आयरल्याण्ड-नेपाल चेम्बर अफ कमर्स (www.incc.ie) ले संयुक्त रुपमा नेपाली विद्यार्थीहरुका लागि आयरिश उच्च शिक्षा संस्थाहरुको प्रवद्र्धन गर्न भर्चुअल एजुकेशन फेयर आयोजना गर्दैछ । कार्यक्रम २८ सेप्टेम्बर २०२२ मा नेपाली समय अनुसार दिउँसो ४ बजे (आयरल्याण्ड समय अनुसार ११.१५ बजे) हुनेछ।
Education in Ireland www.educationinireland.com (आयरल्याण्ड को सरकारी निकाय) र नयाँ दिल्लीस्थित आयरल्याण्डको राजदूतावासको सहयोगमा कार्यक्रम आयोजना गरिएको हो। विदेशमा अध्ययन गर्ने योजनामा रहेका नेपाली विद्यार्थीहरूका लागि आयरल्याण्डले के प्रस्ताव राख्छ भन्ने कुरा बुझ्न र उनीहरूका विकल्पहरूको मूल्याङ्कन गर्ने यो अवसर हुनेछ।
६ वटा कलेज र विश्वविद्यालयहरू कार्यक्रममा प्रस्तुत हुनेछन्: ट्रिनिटी कलेज डब्लिन (www.tcd.ie), टेक्नोलोजिकल युनिभर्सिटी मिडल्याण्ड्स मिडवेस्ट (www.tus.ie), युनिभर्सिटी कलेज डब्लिन (www.ucd.ie), ग्रिफिथ कलेज डब्लिन (www.gcd.ie), डब्लिन बिजनेस स्कूल (www.dbs.ie) र ICD बिजनेस स्कूल (www.icd.ie)।
नेपाल आयरल्याण्ड सोसाइटी र आयरल्याण्ड नेपाल चेम्बर अफ कमर्सले नेपाल र आयरल्याण्डबीच शिक्षा क्षेत्रमा अनुसन्धान सहकार्य, आयरल्याण्डमा नेपाली विद्यार्थीका लागि छात्रवृत्तिको सम्भावना र शैक्षिक आदानप्रदान भ्रमण जस्ता प्रमुख सहकार्य खोजिरहेका छन् । यो शिक्षा मेला शिक्षा क्षेत्रमा आयरल्याण्ड सरकारसँगको सम्बन्धलाई थप प्रगाढ बनाउने पहिलो पाइला हुनेछ।
कार्यक्रममा उपस्थित हुन चाहनेहरूले जुम विवरण प्राप्त गर्न www.nepalireland.org मा दर्ता गर्न सक्छन्।
Page updated
Google Sites
Report abuse